नंदूरबारच्या सभेतून पंतप्रधान नरेंद्र मोदींनी शरद पवार आणि उद्धव ठाकरेंना खुली ऑफर दिलीय. 4 जूनच्या नंतर काँग्रेसमध्ये विलीन होण्यापेक्षा अजित पवार आणि एकनाथ शिंदेंसोबत या, स्वप्न पूर्ण होतील. असं सांगत मोदींनी पवार आणि ठाकरेंना सोबत येण्याची ऑफर दिली. मोदींनी महाराष्ट्रात येवून ही ऑफर दिलीय. त्यासाठी त्यांनी शरद पवारांच्या विलीनीकरणाच्या 2 दिवसांआधीच्या वक्तव्याचा आधार घेतला. तर ठाकरे आणि शरद पवारांनी मोदींची अस्वस्थता सांगून मोदींची ऑफर धुडकावून लावली.
महाराष्ट्रात महायुती विरुद्ध महाविकास आघाडी अशी लढत आहे. 3 टप्प्यांचं मतदान झालंय. 2 टप्पे बाकी असताना मोदींनी ठाकरे,पवारांना सोबत येण्याची ऑफर देणं, हे भुवया उंचावणारच आहे. महाराष्ट्रात ठाकरे पवार जोडी भारी पडतेय असं दिसतं का? बहुमतासाठी गरज भासल्यास आतापासूनच मोदींनी तयारी केली का? मोदींना महाराष्ट्रात फक्त भाजप विरुद्ध काँग्रेस असाच सामना हवा का? शरद पवारांना सोबत घेण्याची हीच ती वेळ आहे असं मोदींना वाटतं का? 2 टप्प्यांच्या मतदानावर परिणाम टाकण्यासाठी मोदींची ऑफर आहे का? तर मोदींची ही ऑफर, कार्यकर्ते आणि शिवसैनिकांना असल्याचं मुख्यमंत्री म्हणतायत. खरं तर, मोदींनी ऑफर आता दिली असली तरी 8 दिवसांआधीच TV9च्या मुलाखतीतून त्यांनी संकेत दिलेच होते. ठाकरेंना मदत करणारा पहिला मीच असेल, असं मोदी म्हणाले होते.
पाहा व्हिडीओ:-
राजकारणात बैठका होत असतात तशा ऑफरही येत असतात. मात्र महाराष्ट्रात ठाकरेंची शिवसेना आणि पवारांची राष्ट्रवादी या दोन्ही पक्षांची स्थिती वेगळी आहे. दोघांचेही पक्ष फुटलेत आणि बंड करणारे भाजपसोबत सत्तेत आहेत.त्यामुळं ही निवडणूक विशेषत: पवार आणि ठाकरेंसाठी निर्णायक आहे..आणि या स्थितीत शरद पवार आणि ठाकरेंनी इरादे स्पष्ट करत सोबत येण्यापेक्षा लढण्याचा पर्याय स्वीकारलाय. तर मोदींनी ऑफर दिलेली नसून आपआपल्या मूळ पक्षांसोबत म्हणजेच पवारांनी दादांसोबतआणि ठाकरेंनी शिंदेंसोबत यावं, असा सल्ला दिल्याचं फडणवीस म्हणतायत.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List