“अजितदादा मित्रमंडळाकडून मोठ्या प्रमाणात पैसे वाटप करण्यात आलं. भोरला गाडी फोडण्यात आली, त्यात पैसा होता. मावळचे आमदार, नेते आणि त्यांचे नातेवाईक, कार्यकर्ते त्या गाडीत पैसे घेऊन होते. ईडी, सीबीआयने अजितदादांच्या मार्गदर्शनाखाली चालणाऱ्या ज्या कारखान्यांवर कारवाई केली, त्यांचे कर्मचारी फिरत होते” असा गंभीर आरोप रोहित पवार यांनी केलाय. “बारामतीमध्ये मोठ्या प्रमाणात पैसे वाटप झालं. काही ठिकाणी प्रत्येक मतासाठी 2500 रुपये, काही ठिकाणी 3 हजार रुपये, काही ठिकाणी 4 हजार रुपये वाटले गेले. जात, धर्म, गरीब, श्रीमंत बघून पैसा वाटला गेला” असा आरोप रोहित पवार यांनी केला.
“पीडीसीसी बँक गरीबाला 5 वाजता बंद होते. पण पैसे वाटपासाठी रात्री 1-2 वाजेपर्यंत सुरु होती. पीडीसीसी बँक, त्यांच्या कर्मचाऱ्यांचा पैसे वाटण्यासाठी वापर केला. अनेक ठिकाणी लोकांनी पैसे नाकारले. जनशक्ती विरुद्ध धनशक्ती असा हा सामना आहे. साहेब, ताईंच्याबाजूने जनशक्ती उभी राहिल असा आम्हाला विश्वास आहे” असं रोहित पवार म्हणाले.
‘तुम्ही स्वत:च्या हिमतीवर काय केलं ?’
पैसा वाटण्याची वेळ का आली? यावर रोहित पवार म्हणाले की, “लोकांना माहितीय 2014 पर्यंत सत्ता पवार साहेबांमुळे आली. सत्ता आल्यानंतर अजित पवारांना मंत्रीपद मिळालं, मग त्यांनी विकास केला” “2019 मध्ये अजितदादांचा पराक्रम नसताना सुद्धा, साहेबांमुळे सत्ता आली. दादांना पद मिळालं, त्यानंतर त्यांनी निधी आणला. तुम्ही स्वत:च्या हिमतीवर काय केलं हे सांगता येत नाही, मग लोकं तुमच्याबाजूने कशी येणार? साहेबांना सोडलं, विचारांना सोडलं. विकास साहेबांनी केला. लोक भाविनक आहेत” असं रोहित पवार म्हणाले.
‘बारामतीमध्ये पैसा वाटला गेला’
“इंदापूर, बारामतीमध्ये पैसे वाटतायत हे लोक सांगत होते, पोलीस हसत होते. शहरी भागात खडकवासला, हवेलीत पैसा वाटला गेलाय. बारामतीत पैसा वाटला जात होता” असा आरोप रोहित पवार यांनी केलाय. ‘पैसा, सत्तेचा अंहकार जनता मोडून काढेल’ असं रोहित पवार म्हणाले.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List