“बाळासाहेबांचा मुलगा म्हणून उद्धव ठाकरे यांचा मी मान सन्मान करणारच. ते माझे शत्रू नाहीत. उद्या संकट आलं तर त्यांना मदत करणारा मी पहिला व्यक्ती असेन” असं पंतप्रधान नरेंद्र मोदी टीव्ही 9 मराठीला दिलेल्या मुलाखतीत म्हणाले. ‘टीव्ही 9 मराठी’चे व्यवस्थापकीय संपादक उमेश कुमावत यांच्यासह TV9 ग्रुपच्या पाच व्यवस्थापकीय संपादकांनी ही मुलाखत घेतली. दरम्यान काँग्रेस नेते राहूल गांधी यांची आज पुण्यात जाहीर सभा होणार आहे. पुणे जिल्ह्यातील चार लोकसभा मतदारसंघासाठी राहुल गांधी घेणार सभा. नरेंद्र मोदी यांच्या सभेनंतर ही सभा होत आहे. आजच्या सभेत राहुल गांधी काय बोलणार याकडे लक्ष लागलं आहे. माजी काँग्रेस नेते संजय निरुपम आज मुख्यमंत्री एकनाथ शिंदे यांच्या उपस्थितीत शिवसेनेत प्रवेश करणार आहेत. यासह अन्य महत्वाच्या बातम्या क्रीडा, मनोरंजन, राजकीय क्षेत्रातील बातम्या तुम्हाला या ब्लॉगमध्ये वाचायला मिळतील. त्यामुळे आज दिवसभर हा ब्लॉग फॉलो करा.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List