CSMT जवळ लोकलचा डबा घसरला, वाहतूक विस्कळीत

छत्रपती शिवाजी महाराज टर्मिनस स्थानकाजवळ (CSMT) लोकलचा डबा घसरल्याने वाहतूक ठप्प झाली आहे. हार्बर मार्गावरील लोकलचा डबा घसरल्याने वाहतुकीवर परिणाम झाला आहे. पनवेलहून सीएसएमटी स्थानकाच्या दिशेने जाणाऱ्या लोकलचा डबा दुपारी ११.३० च्या सुमारास घसरल्याने लोकल वाहतुकीवर परिणाम झाला आहे. छत्रपती शिवाजी महाराज टर्मिनसच्या फलाट क्रमांक दोनजवळ पनवेल लोकलचा डबा घसरला. सुदैवाने यात कोणी जखमी झालेले नाही.

मात्र लोकलचा डबा घसरल्यामुळे हार्बर मार्गावरील वाहतुकीवर परिणाम झाला असून या मार्गावरील काही लोकल मस्जिदपर्यंत थांबवण्यात आल्या आहेत. तर, काही लोकल वडाळ्यापर्यंत मर्यादित करण्यात आल्या आहेत. यामुळे हार्बर सेवा विस्कळीत झाली असून रेल्वेचे वेळापत्रक कोलमडले आहे. वडाळा ते सीएसएमटी स्थानकापर्यंतच्या वाहतुकीवर परिणाम झाला आहे.  यामुळे प्रवाशांचे अतोनात हाल होत असून ऐन उन्हात प्रवाशांना खाली उतरून ट्रॅकवरून चालत प्रवास करावा लागत आहे.

मेन लाईनच्या वाहतुकीवर परिणाम नाही 

या घटनेची माहिती मिळताच रेल्वेचे अधिकारी तसेच पोलिसही घटनास्थळी दाखल झाले असून हा डबा बाजूला काढण्यासाठी प्रशासनाकडून प्रयत्न सुरू आहेत. पण रेल्वेसेवा पूर्ववत सुरू होण्यासाठी आणखी बराच वेळ लागू शकतो. या घटनेचा मेन लाइनवरील वाहतुकीवर कोणताही परिणाम झालेल नाही. मात्र हार्बरवरील प्रवाशांना मात्र चांगलाच मनस्ताप सहन करावा लागत आहे.

ही घटना नेमकी कशामुळे घडली, त्याचे कारण काय हे अद्याप समजू शकलेले नाही. सध्या हा डबा ट्रॅकवर वाहतूकक सुरळीत व्हावी यासाठी प्रशासन व अधिकारी अविरत प्रयत्न करत आहेत. हा डबा नेमका कसा घसरला , त्याचे कारण काय हे नंतर चौकशीतून समोर येईल. आणखी १ ते दीड तासात ही वाहतूर सुरळीत होऊ शकेल असा अंदाज वर्तवण्यात येत आहे.

One trolley of panvel 56 local while arriving at CSMT Platform no. 2 derailed at 11.35 hrs.
No injury to any passengers.
Harbour line affected.
Enroute trains towards CSMT will be brought upto Masjid station.
Harbour line services will be operational from & to Vadala.
The…

— Central Railway (@Central_Railway) April 29, 2024

ही बातमी अपडेट होत आहे.