Sanjay Raut : Get well Soon … ! ‘या’ नेत्याने भरला संजय राऊत यांचा मनोरुग्णालयाचा फॉर्म

ठाकरे गटाचे नेते आणि खासदार संजय राऊत दररोज विरोधी पक्षांवर निशाणा साधत असतात. विरोधी पक्षांवर ते अत्यंत कडव्या शब्दात टीका करतात. विरोधी पक्षांवर ते बोचरी, जिव्हारी लागणारी टीका करतात. संजय राऊत यांनी केलेल्या टीकेला मग विरोधी पक्षांकडून सुद्धा तसच प्रत्युत्तर दिलं जातं. संजय राऊत यांच्या शब्द बाणांमधयून पंतप्रधान नरेद्र मोदी, अमित शाह, देवेंद्र फडणवीस, मनसे कोणी सुटत नाही. हेच संजय राऊत सध्या महाराष्ट्र नवनिर्माण सेनेवर तुटून पडले आहेत. महायुतीला बिनशर्त पाठिंबा जाहीर केल्यानंतर ते मनसे आणि राज ठाकरे यांच्यावर बोचरी टीका करत आहेत. मनसे सुद्धा संजय राऊत यांच्या विरोधात चांगलीच आक्रमक झाली आहे. आतापर्यंत विरोधी पक्षाच्या अनेक नेत्यांनी टीका करताना, संजय राऊत यांना मनोरुग्णालयात दाखल केलं पाहिजे असं म्हटलं होतं. पण एकापक्षाने त्यापुढे जात, चक्क संजय राऊत यांना मनोरुग्णालयात दाखल करण्याचा फॉर्म भरला आहे.

महाराष्ट्र नवनिर्माण सेनेने संजय राऊत यांना मनोरुग्णालयात दाखल करण्यासाठी फॉर्म भरला आहे. हॉस्पिटलच्या एडमिशन अर्जामध्ये त्यांनी आपण संजय राऊत संपादक, सामना तथा खासदार यांचे हितचिंतक असल्याचे नमूद केले आहे. अर्जासोबत विविध वृत्तपत्रात आलेल्या बातम्यांची कात्रणे, इलेक्ट्रॉनिक मीडियामध्ये आलेल्या बातम्यांच्या सीडी आणि पेन ड्राईव्ह स्वरूपात देण्यात आल्या आहेत.

‘पूर्ण बरे होऊनच परत यावे…काळजी घ्या’

“संजय ऊर्फ मनोरुग्ण राऊत यांची काही दिवसातील विधान पाहता यांना मनोरुग्णालाय दाखल करणं गरजेच आहे. कधी त्यांना पवार साहेब या देशाचे पंतप्रधानपदाचे उमेदवार वाटतात. कधी राहुल गांधी पंतप्रधानपदाचे उमेदवार वाटतात. उद्धवजी पंतप्रधानपदाचे उमेदवार का असू नये? असं ते बोलतात. मनसेच्या वतीने पुणे येरवडा येथे असलेल्या मनोगरुग्णालयाचा संजय राऊत यांचा एडमिशन फॉर्म भरला आहे” असं गजनान काळे यांनी म्हटलं आहे. त्यांनी संजय राऊत यांना गेट वेल सून म्हटलं आहे. “अ‍ॅडमिट होऊन योग्य उपचार घेऊनच आणि पूर्ण बरे होऊनच परत यावे…काळजी घ्या … !!!” असं सुद्धा म्हटलं आहे.