रजनीकांत ते विजय सेतुपती.. ‘या’ सेलिब्रिटींनी बजावला मतदानाचा हक्क

जगातील सर्वांत मोठ्या लोकशाहीच्या उत्सवाला आज सुरुवात झाली आहे. लोकसभा निवडणुकीतील पहिल्या टप्प्यात देशातील 19 राज्ये आणि 2 केंद्रशासित प्रदेशांमधील 102 लोकसभा मतदारसंघांमध्ये मतदान होत आहे.

पहिल्या टप्प्यात 13.63 कोटी मतदार 1.87 लाख मतदान केंद्रांवर मतादानाचा हक्क बजावत आहेत. सर्व मतदार केंद्रांवर चोख व्यवस्था करण्यात आली असून 18 लाख कर्मचारी मतदानप्रक्रियेचा कारभार सांभाळत आहेत.

या टप्प्यात 134 महिलांसह 1625 उमेदवार रिंगणारत आहेत. चेन्नई आणि तामिळनाडूतील सेलिब्रिटींनीही मतदानाचा हक्क बजावला आहे. मतदान केंद्रावर रजनीकांत यांच्यासोबत त्यांची टीमसुद्धा पोहोचली होती.

मक्कल निधी मैयमचे प्रमुख कमल हासन यांनीसुद्धा मतदानाचा हक्क बजावला. त्यांचा पक्ष लोकसभा निवडणूक लढवत नसले तरी पक्षाने DMK ला पाठिंबा दिला आणि प्रचार केला.

रजनीकांत यांचा जावई आणि साऊथ सुपरस्टार धनुषने मतदान केलंय. टीटीके रोडवरील सेंट फ्रान्सिस झेव्हियर्स स्कूलमध्ये त्याचं मतदान केंद्र होतं. मतदानानंतर त्याने कॅमेरासमोर पोझ दिले.

अभिनेता विजय सेतुपतीनेही चेन्नईमधील किलपौक हायस्कूलमध्ये मतदानाचा हक्क बजावला. विजयने शाहरुख खानच्या 'जवान' या चित्रपटात महत्त्वपूर्ण भूमिका साकारली होती.