यंदाच्या आयपीएल हंगामात आतापर्यंतच्या लढतींमध्ये विरोधकांना नामोहरम करणारी राजस्थान रॉयल्स शनिवारी पंजाब किंग्जविरुद्ध त्यांच्या घरच्या मैदानावर भिडणार आहे. सलग चार सामन्यांत विजय मिळवून गुणतालिकेत प्रथम स्थानी असणारी राजस्थान तळाला असलेल्या पंजाबवर भारी पडेल अशी आशा क्रिकेटप्रेमींनी व्यक्त केली आहे, मात्र घरच्या मैदानावर सामना होत असल्याने पंजाबला विजयाचा सूर गवसेल का? याकडेही सर्वांचे लक्ष लागले आहे.
राजस्थान रॉयल्स यंदाच्या मोसमात फलंदाजी, गोलंदाजी दोन्ही क्षेत्रांत उत्तम कामगिरी करत असून पाच सामन्यांमध्ये चार विजयांसह प्रथम स्थानी कायम आहे, तर दुसरीकडे पाच सामन्यांत तीन पराभव, दोन विजयांसह पंजाब आठव्या स्थानी आहे.
उद्याचा सामना हा मुल्लानपूर येथे खेळला जाणार आहे. या सामन्यात राजस्थानच्या फलंदाजीपुढे पंजाबच्या गोलंदाजांचा कस लागणार आहे. जॉस बटलर, संजू सॅमसन, रियान पराग हे चांगल्या फॉर्मात आहे, मात्र राजस्थानचा सलामीवीर यशस्वी जैसवालचा फॉर्म हा राजस्थानसाठी चिंतेची बाब ठरला आहे, तर दुसरीकडे ट्रेंट बोल्ट, युझवेंद्र चहल, नांद्रे बर्गर हे चांगल्या फॉर्मात आहे. त्यामुळे राजस्थानच्या गोलंदाजीपुढे पंजाबच्या फलंदाजांचा निभाव लागतो की नाही हे उद्याच्या सामन्यात कळेल.
.jpeg)
Comment List