तिघांना चिरडून भाजप पदाधिकाऱयाच्या मुलाचे पलायन

पत्नी-पत्नी व पाच वर्षीय मुलीला चिरडून घटनास्थळावरून पसार झालेला भाजप पदाधिकाऱयाचा मुलगा जय चंद्रहास घरत हा उलवे येथील सेक्टर-23 मध्ये एका खासगी हॉस्पिटलमध्ये उपचाराच्या नावाखाली लपून बसला असल्याचे आज उघडकीस आले. अपघात घडल्यानंतर पळून जाताना घरत याने रेल्वे पोलिसांना शिवीगाळ करून मारहाण केली होती.

अपघात घडल्यापासून गेले सहा दिवस जय घरत हा फरारी होता. पोलीस याप्रकरणी कोणतीही कारवाई करण्यात नसल्यामुळे विविध सामाजिक संस्था आणि नागरिकांनी पोलिसांवर टीकेची झोड उठली होती. या आरोपानंतर न्हावा-शेवा बंदर विभागाचे एसीपी डॉ. विशाल नेहूल यांनी तपास स्थानिक गुन्हे अन्वेषण विभागाकडे सोपविण्याच्या सूचना केल्या होत्या. त्यानंतर दुसऱयाच दिवशी जय घरत हा उलवे येथील सेक्टर- 23 मध्ये एका खासगी हॉस्पिटलमध्ये भरती झालेला सापडला. पोलिसांनी त्याला अद्यापही अटक केलेली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.