Lok Sabha Election 2024 : मोदींचे वागणे गल्लीतील गुंडासारखे, प्रकाश आंबेडकर बरसले

नरेंद्र मोदी हे पंतप्रधानपदाच्या खुर्चीसाठी लायक नाहीत. मोदी गल्लीतील दादासारखे, गुंडासारखे वागतात. गल्लीतील गुंड ज्या प्रमाणे हप्तावसुली करतात, त्याप्रमाणे ईडी, सीबीआयची भीती दाखवून मोदींनी निवडणूक रोख्यांच्या माध्यमातून वसुली केली. ज्यांचा हप्ता आला त्यांची चौकशी थांबली, असा जबरदस्त घणाघात वंचित बहुजन आघाडीचे नेते अॅड. प्रकाश आंबेडकर यांनी केला. चंद्रपूर लोकसभा मतदार संघातील वंचितचे उमेदवार राजेश बेले यांच्या प्रचारासाठी झालेल्या सभेत ते बोलत होते.

हे वाचा – मोदी हे संघाच्या मानगुटीवरील भूत! प्रकाश आंबेडकर यांची टीका

इलेक्टोरल बॉण्डच्या माध्यमातून ज्यांनी पैसे दिले, त्यांना आधी ईडीची नोटीस गेली, चौकशीला बोलावले. चौकशी होऊ नये, नोटीस होऊ नये म्हणून कोणी 300 कोटी, तर कोणी 500 कोटींचा बॉण्ड दिला आणि सुटका करून घेतली. गल्लीतील गुंड, दादाही असाच हप्ता ठरवतो, असा टोला आंबेडकर यांनी लगावला. यावेळी प्रकाश आंबेडकर यांनी नरेंद्र मोदी यांना हिटलरचीही उपमा दिली.

View this post on Instagram

A post shared by Saamana (@saamana_online)

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.