वृत्तसंस्था /माँटेकार्लो
एटीपी टूरवरील येथे सुरू असलेल्या माँटेकार्लो मास्टर्स पुरुषांच्या आंतरराष्ट्रीय टेनिस स्पर्धेत दुहेरीमध्ये भारताच्या रोहन बोपण्णा आणि त्याचा ऑस्ट्रेलियन साथीदार मॅथ्यू एब्डन यांचे आव्हान उपउपांत्यपूर्व फेरीतच समाप्त झाले. या स्पर्धेत भारताच्या सुमित नागलचा सामना पावसामुळे तात्पुरता थांबवण्यात आला होता पण त्यानंतर त्याला या लढतीत व्होल्गर रुनेकडून हार पत्करावी लागली. पुरुष दुहेरीच्या सामन्यात क्रोएशियाचा पेव्हिक आणि एल साल्वादोरचा मार्सेलो अॅरेव्हेलो यांनी भारताच्या रोहन बोपण्णा आणि एब्डन यांचा 6-3, 7-6 (8-6) असा पराभव केला.या स्पर्धेत पावसामुळे भारताच्या सुमित नागलचा सामना काही वेळ थांबवण्यात आला होता पण त्यानंतर पुन्हा सुरू झालेल्या या सामन्यात सातव्या मानांकित रुनेने सुमित नागलचे आव्हान 6-3, 3-6, 6-2 असे संपुष्टात आणत तिसऱ्या फेरीत स्थान मिळविले. क्ले कोर्टवर सुरू असलेल्या या स्पर्धेतील हा सामना 150 मिनिटे चालू होता.
.jpeg)
Comment List