अभिनेत्रींचे घडय़ाळ मोलकरणीने लांबवले

छोटय़ा पडद्यावर काम करणाऱया अभिनेत्रीचे 8 लाख रुपये किमतीचे घडय़ाळ तिच्या मोलकरणीने लांबवल्याची घटना घडली आहे. याप्रकरणी गोरेगाव पोलिसांनी मोलकरणीविरोधात गुन्हा नोंद केला आहे.

फेब्रुवारी महिन्यात अभिनेत्रीच्या घरी कामासाठी एका एजन्सीच्या माध्यमातून महिला ही घरकामासाठी आली होती. फेब्रुवारीत अभिनेत्रीने मीटिंगसाठी ते घडय़ाळ घातले होते. त्यानंतर ते घडय़ाळ कपाटात ठेवले होते. मार्च महिन्यात अभिनेत्री घरी होती. तेव्हा ती मोलकरीण कपडे सुकत टाकण्याच्या नावाखाली गॅलरीमध्ये काही तरी लपवत असताना दिसली. तेव्हा अभिनेत्रीने तिला जाब विचारला. दोन तासांनी ती अभिनेत्रीजवळ आली. आई आजारी असल्याने तत्काळ गावी जावे लागेल असे तिने अभिनेत्रीला सांगितले. मोलकरणीने विनंती केल्यानंतर अभिनेत्रीने तिला गावी जाण्यास परवानगी दिली. दोन दिवसांपूर्वी अभिनेत्रीला एका इव्हेंटसाठी घडय़ाळ घालायचे होते. तिने कपाट उघडले तेव्हा घडय़ाळ चोरी झाल्याचे लक्षात आले. याप्रकरणी अभिनेत्रीने गोरेगाव पोलीस ठाण्यात धाव घेतली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.