निलंगा ऊदगीर राज्य मार्गावर असलेल्या धनेगाव ता. देवणी जवळ बुधवारी दुपारी झालेल्या ट्रक व कारच्या भीषण अपघातात चार जण जागीच ठार झाल्याची घटना घडली. सदरील मृत व्यक्ती हे मध्यप्रदेशातील इंदूर येथील कापडाचे व्यापारी असल्याची प्राथमिक माहिती समोर येत आहे.
मिळालेल्या माहितीनुसार, इरटिका कार ही वलांडी हुन निलंग्याकडे जात असताना समोरून येणाऱ्या ट्रकची जोराची धडक बसली.या अपघातात कार मधील चौघाचा जागीच मृत्यु झाल्याची घटना घडली. संजय जैन (45) असे त्यातील एकाचे नाव असून तो मध्यप्रदेश इंदूर येथील असल्याचे समजते .
हा अपघात इतका भयंकर होता की ,कारचा चेंदामेंदा झाला असून जेसीबीच्या सहाय्याने कारचा पत्रा कट करून मृतदेह बाहेर काढण्यात आले. यावेळी देवणी पोलीस ठाण्याचे सपोनि माणिकराव डोके व सहकारी यांनी घटनास्थळी भेट देऊन मृतदेह वलांडी येथील प्राथमिक आरोग्य केंद्रात शवविच्छेदनासाठी आणण्यात आले. मृतांची ओळख पटविण्याचे काम सध्या सुरू आहे.घटनास्थळावर बघ्याची खुप मोठी गर्दी झाली होती.
.jpeg)
.jpeg)
.jpeg)
Comment List