दिल्लीचे मुख्यमंत्री आणि आम आदमी पार्टीचे राष्ट्रीय संयोजक अरविंद केजरीवाल यांनी अटकेविरोधात दिल्ली उच्च न्यायालयात दाखल केलेली याचिका न्यायालयाने फेटाळून लावली आहे. कथित मद्य धोरण घोटाळ्याप्रकरणी अरविंद केजरीवाल यांना ईडीने अटक केली आहे.
दिल्लीतील कथित मद्य धोरण घोटाळ्याप्रकरणी ईडीने 21 मार्च रोजी अरविंद केजरीवाल यांना अटक केली होती. कोर्टाने केजरीवाल यांना 15 एप्रिलपर्यंत न्यायालयीन कोठडी सुनावली आहे. या अटकेविरोधात केजरीवाल यांनी दिल्ली उच्च न्यायालयात याचिका दाखल केली होती. ही याचिका आज दिल्ली उच्च न्यायालयाने फेटाळून लावली आहे. अरविंद केजरीवाल यांची अटक ही कायद्याचे उल्लंघन नाही, त्यामुळे त्यांच्या कोठडीला बेकायदेशीर ठरवता येणार नाही, असे न्यायालयाने सांगितले आहे.
केजरीवालांचे वजन साडेचार किलोने घटले
आपमधील सूत्रांनी दिलेल्या माहितीनुसार 21 मार्च रोजी केजरीवाल यांना अटक केल्यापासून आतापर्यंत त्यांचे साडेचार किलो वजन घटले आहे, तर तिहार तुरुंग प्रशासनाने केजरीवाल यांची प्रकृती उत्तम आहे. येथील डॉक्टरांनीही त्यांच्या तब्येतीबाबत कोणताही चिंता व्यक्त केलेली नाही, असा दावा केला.
.jpeg)
.jpeg)
Comment List