देशभरात आणि राज्यात हवामानात बदल होत आहेत. एकाकडे कडक उन्हाच्या झळा तर दुसरीकडे अवकाळीचा फटका अशी हवामानाची स्थिती सध्या आहे. आता गुढीपाडव्याच्या शुभ मूहूर्तावर वरुणराजाही हजेरी लावणार असल्याने बळीराजाची चिंता वाढली आहे. तसेच पुढील 5 दिवस राज्यात अवकाळी पाऊस पडण्याची शक्यताही हवामान खात्याने वर्तवली आहे.
गुढीपाडव्याला राज्यातील मराठवाडा आणि विदर्भातील काही जिल्ह्यांमध्ये विजांच्या कडकडाटासह हलक्या पावसाची शक्यता वर्तवण्यात आली आहे. तसेच मध्य महाराष्ट्रातही पावसाच्या सरी कोसळण्याचा अंदाज आहे. मराठवाड्यातील हिंगोली, नांदेड, लातूर, धाराशिव या भागात हवामान विभागाकडून येलो अलर्ट जारी करण्यात आला आहे. तर विदर्भात बुलढाणा, अकोला, अमरावती, वाशिम, यवतमाळ, नागपूर, वर्धा, भंडारा, गोंदिया, चंद्रपूर, गडचिरोली या भागातही येलो अलर्ट जारी करण्यात आला आहे. मध्य महाराष्ट्रातही काही ठिकाणी पावसाच्या सरी कोसळण्याची शक्यता आहे. मराठवाडा, विदर्भ आणि मध्य महाराष्ट्रात अवकाळी पाऊस बरसणार आहे. तर मुंबई आणि उनगराचा परिसर आणि किनारपट्टीच्या भागात उकाडा वाढणार आहे. मुंबई शहर आणि उपनगरात सरासरी तापमान 34 अशांपर्यंत असण्याची शक्यता आहे.
राज्यासह देशाची राजधानी दिल्लीतही पावसाचा अंदाज वर्तवण्यात आला आहे. या आठवड्यात महाराष्ट्रासह मध्य प्रदेश, छत्तीसगडसह अनेक राज्यांमध्ये वाढत्या उष्णतेपासून दिलासा मिळणार आहे. बिहार, झारखंड, पश्चिम बंगाल आणि ओदिशामध्ये 9 एप्रिलपर्यंत हलक्या ते मध्यम पावसाचा इशारा देण्यात आला आहे.
.jpeg)
.jpeg)
Comment List