बँक खाते उघडण्यास नकार दिल्याने केले अपहरण, तिघांना अटक

शेअर मार्केटसाठी करंट बँक खाते उघडण्यास नकार दिल्याने तरुणाचे अपहरण करणाऱया तिघांना कस्तुरबा मार्ग पोलिसांनी बेडय़ा ठोकल्या. पवन कीर, तुषार चाकोरकर, दिलखुष बद्री तेली अशी त्या तिघांची नावे आहेत, तर मुख्य सूत्रधार फरार आहे.

तक्रारदार तरुण हा गोरेगाव येथे राहतो. त्याची प्लेसमेंट एजन्सी आहे. फेब्रुवारी महिन्यात तुषार आणि फरार आरोपी हा त्याच्या कार्यालयात आले होते. तेव्हा त्याने आपल्याला शेअर मार्पेटमध्ये व्यवसाय करायचा आहे असे सांगितले. मुंबईत आपले कोणी नसल्याने पुरावे म्हणून करंट बँक खाते उघडले जात नसल्याच्या भूलथापा मारल्या. त्या दोघांनी तक्रारदाराला प्रत्येक खाते उघडण्यासाठी पैशाचे आमिष दिले. तक्रारदाराने त्याच्या पंपनीच्या नावावर दोन करंट बँक खाती उघडून दिली. त्यानंतर तुषार आणि फरार आरोपी हे पुन्हा त्याच्याकडे आले. त्याने पुन्हा बँक खात्याची मागणी केली. तेव्हा तक्रारदाराने बँक खाते उघडून देण्यास नकार दिला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.