लोकशाहीच्या महालढाईसाठी महाविकास आघाडी सज्ज झाली आहे. उद्या गुढीपाडव्याच्या शुभ मुहूर्तावर महाविकास आघाडीची संयुक्त पत्रकार परिषद आयोजित करण्यात आली आहे. नरिमन पॉइंट येथील शिवालय येथे होणाऱया या पत्रकार परिषदेमध्ये शिवसेना पक्षप्रमुख उद्धव ठाकरे, राष्ट्रवादी काँग्रेसचे अध्यक्ष शरद पवार, काँग्रेसचे विधिमंडळ पक्षनेते बाळासाहेब थोरात, काँग्रेस प्रदेशाध्यक्ष नाना पटोले, माजी मुख्यमंत्री पृथ्वाराज चव्हाण हे नेते लोकसभा निवडणुकीसंदर्भात प्रसारमाध्यमांशी संवाद साधणार आहेत.
शिवसेना नेते, खासदार संजय राऊत यांनी यासंदर्भात आज माध्यमांना माहिती दिली. महाविकास आघाडीची पुढील दिशा, जागावाटप, प्रचार यंत्रणा कशी राबवली जाईल तसेच अन्य गोष्टींसंदर्भात आघाडीचे प्रमुख नेते उद्याच्या संयुक्त पत्रकार परिषदेत माहिती देतील, असे संजय राऊत यांनी सांगितले. पत्रकार परिषदेत उद्धव ठाकरे यांच्या नेतृत्वाखालील शिवसेना, काँग्रेस, राष्ट्रवादी काँग्रेस आणि महाविकास आघाडीतील सर्व घटक पक्ष संयुक्त पत्रकार परिषदेच्या माध्यमातून जनतेला सामोरे जातील, असे संजय राऊत यांनी सांगितले. महाविकास आघाडीत सर्व ठीक आहे, हे सांगण्यासाठी ही पत्रकार परिषद होत आहे, असे ते म्हणाले.
– उद्या गुढीपाडवा आहे. गुढीपाडवा हा अत्यंत शुभ मुहूर्त असतो. साडेतीन मुहूर्तांपैकी एक असतो. त्यामुळे उद्याच्या शुभ मुहूर्तावर महाविकास आघाडीची पत्रकार परिषद होत आहे, असे संजय राऊत म्हणाले.
.jpeg)
Comment List