तेलंगणाचे माजी मुख्यमंत्री के. चंद्रशेखर राव यांच्या कन्या आणि भारत राष्ट्र समितीच्या आमदार के. कविता यांना दिल्ली राऊज एव्हेन्यू न्यायालयाकडून मोठा झटका बसला आहे. कथित दिल्ली मद्य धोरण मनी लाँड्रींग प्रकरणात के. कविता यांचा अंतरिम जामीन अर्ज फेटाळण्यात आला आहे. न्यायालयात जामीन अर्जावर आज सुनावणी झाली.
आपल्या मुलाची परीक्षा असल्याने के. कविता यांनी अंतरिम जामीन मागितला होता. कविता यांच्या मुलाची एप्रिल महिन्यात परीक्षा सुरू होणार आहे. त्यांच्या 16 वर्षीय मुलाला परीक्षेदरम्यान आईची गरज आहे. आईची कमी भाऊ आणि वडील पूर्ण करू शकत नाही. त्यामुळे त्यांना अंतरिम जामीन मिळण्याची मागणी कविता यांच्या वकीलांनी केली होती. याआधी के. कविता यांच्या अंतरिम जामिनावर 4 एप्रिल रोजी सुनावणी झाली होती. त्यावेळी न्यायालयाने निर्णय राखून ठेवला होता. न्यायालयाने आज निर्णय देत जामीन फेटाळला आहे.
के. कविता यांनी शनिवारी केंद्रीय तपास यंत्रणेच्या चौकशीविरोधात न्यायालयात धाव घेतली. केंद्रीय तपास यंत्रणेला चौकशीसाठी दिलेली परवानगी मागे घेण्याची विनंती, के. कविता यांनी केली आहे. केंद्रीय तपास यंत्रणा कथित मद्य धोरण प्रकरणात भ्रष्टाचाराची चौकशी करत आहे. या प्रकरणी 10 एप्रिलला पुढील सुनावणी होणार आहे.
.jpeg)
.jpeg)
Comment List