मालमत्ता कर भरलेले 38 चेक झाले बाऊन्स; पालिकेने खेचले न्यायालयात, 853 मालमत्ताधारकांचे धनादेश वटले

मालमत्ता कर भरण्यासाठी पालिकेला दिलेले तब्बल 38 चेक बाऊन्स झाल्याचा प्रकार समोर आला आहे. याची गंभीर दखल घेत पालिकेने संबंधितांना न्यायालयात खेचले आहे.

मालमत्ताधारकांना कर भरणे सोयीचे क्हाके यासाठी रोखीने देयक जमा करण्यासोबतच धनादेश, डिमांड ड्राफ्ट, ऑनलाईन पद्धत ही सुविधा उपलब्ध केली आहे. सन 2022-23 या आर्थिक वर्षात धनादेशाद्वारा करभरणा केलेल्या 892 प्रकरणांत प्रत्यक्षात धनादेशांचा अनादर झाल्याचे आढळून आले. यात एकूण 43 कोटी 54 लाख रुपयांचा मालमत्ता कर अपेक्षित होता. धनादेशाचा अनादर झाल्याने या 892 मालमत्ताधारकांना पालिकेच्या वतीने परक्राम्य संलेख अधिनियम – 1881 नुसार नोटीस बजावण्यात आली. त्यानंतर 853 मालमत्ताधारकांनी एकूण 37 कोटी 83 लाख रुपयांचा करभरणा केला, मात्र नोटीस बजावल्यानंतर करभरणा करण्यात कुचराई करणाऱ्या उर्वरित 38 मालमत्ताधारकांविरोधात न्यायालयात खटला दाखल करण्यात आला आहे. त्यांच्याकडे एकूण 5 कोटी 71 लाख रुपयांचा मालमत्ता कर थकीत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.