आमदारकीचा राजीनामा द्या, कन्येलाही भाजपमध्ये आणा; एकनाथ खडसेंची घरवापसी सशर्त

राष्ट्रवादी काँग्रेसचे नेते एकनाथ खडसे हे पुन्हा स्वगृही परतणार आहेत. त्यांनी स्वतः आज त्याबद्दल माहिती दिली. पण खडसे यांना राष्ट्रवादीच्या आमदारकीचा राजीनामा द्यावा लागेल, तसेच त्यांची कन्या रोहिणी खडसे यांनादेखील पक्षात आणावे लागेल, असे भाजप पक्षश्रेष्ठाRनी बजावल्याचे समजते.

खडसे यांनी 2020 मध्ये राष्ट्रवादी काँग्रेस पक्षात प्रवेश केला होता. त्यानंतर ते राष्ट्रवादीचे विधान परिषदेचे आमदारही झाले, मात्र आता पुन्हा त्यांची घरवापसी होणार आहे. खडसे भाजपमध्ये जाणार हे निश्चित झाले असले तरी कन्या रोहिणी खडसे यांनी आपण राष्ट्रवादीतच राहणार असल्याचे म्हटले आहे. सध्या त्या राष्ट्रवादी महिला आघाडीच्या प्रदेशाध्यक्ष आहेत. रोहिणी खडसे यांचे राष्ट्रवादीत राहणे भाजपसाठी अडचणीचे ठरू शकते. त्यामुळे खडसे यांनी भाजपमध्ये येताना त्यांच्या कन्येलाही घेऊन यावे अशी गळ भाजपने घातली आहे.

शरद पवार यांचा मी ऋणी

एकनाथ खडसे यांनी आपण भाजप अध्यक्ष जे. पी. नड्डा यांची दिल्लीमध्ये भेट घेतल्याचे सांगत येत्या 15 दिवसांत आपला भाजपमध्ये अधिकृत प्रवेश होईल असे प्रसारमाध्यमांशी बोलताना सांगितले. यावेळी त्यांनी राष्ट्रवादी काँग्रेसचे अध्यक्ष शरद पवार यांच्याबद्दल कृतज्ञताही व्यक्त केली. संकटाच्या काळात शरद पवार यांनी आपली नेहमीच मदत केली असून मी त्यांचा ऋणी आहे, अशा भावना त्यांनी व्यक्त केल्या.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.