…म्हणून नाटकाचा प्रत्येक प्रयोग महत्त्वाचा!

अभिनेता संकर्षण कऱहाडे सोशल मीडियावर नेहमी सक्रिय असतो. नाटय़ प्रयोगादरम्यान आलेले अनेक अनुभव तो सोशल मीडियावर आवर्जून शेअर करतो. ‘नाटकातला संसार’ असे म्हणत नुकतीच त्याने एक पोस्ट शेअर केली असून ती व्हायरल होत आहे. आपल्या बॅकस्टेज सहकलाकाराचा पह्टो शेअर करत संकर्षणने म्हटलेय, आज आमच्या ‘तू म्हणशील तसं’ आणि ‘नियम व अटी लागू’ नाटकाला बॅकस्टेजचे काम करणारा अक्षय पवार नवा नवा संसार सुरू करून भेटायला आला. बायकोची ओळख करून दिली आणि म्हणाला, सोनाली, दादाला नमस्कार कर. इतके गोड वाटले. पुढे संकर्षण म्हणाला, नाटक हे तसे अनिश्चिततेचे माध्यम…पण नेटाने, चिकाटीने, सातत्याने नाटक केले तर नाटक खूप काही देते. आज बॅकस्टेज करणाऱया या मुलाने आयुष्यातले मोठे पाऊल नाटकाच्या जिवावर उचलले, संसार सुरू केला. म्हणून प्रत्येक प्रयोग महत्त्वाचा. कारण त्या एका-एका प्रयोगावर एका-एका कुटुंबाचा घरी संसार सुरू असतो. असे अनेक संसार सुखी करण्यासाठी ‘नाटक’ फार फार महत्त्वाचे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.