मुंबईकरांचे श्रद्धास्थान असलेल्या प्रभादेवी येथील श्री सिद्धिविनायकाला भाविकांनी अर्पण केलेल्या सोन्याच्या अलंकारांचा लिलाव गुढीपाडव्याच्या मुहूर्तावर मंगळवार, 9 एप्रिल रोजी सकाळी 11 ते सायंकाळी 5 या कालावधीत मंदिराच्या आतील परिसरात करण्यात येणार आहे. लिलावाच्या दिवशी सर्व अलंकारांचे प्रदर्शन भरवण्यात येणार आहे. यात 11 ग्रॅम, 21 ग्रॅम, आणि 51 ग्रॅम 999.99 शुद्धता असलेली चांदीची नाणीही विक्रीसाठी ठेवण्यात येणार आहेत. लिलावासंबंधीचे सर्व अधिकार न्यासाने राखून ठेवलेले आहेत. श्रीसिद्धिविनायकाच्या भक्तांनी या लिलावात मोठया संख्येने सहभागी व्हावे, असे आवाहन न्यास व्यवस्थापन समितीने केले आहे.
श्रीगणेश प्रतिमा, लॉकेट्स, मोदक, अंगठय़ा, सोन्याच्या साखळ्या, हार, एका बाजूला श्रीसिद्धिविनायक मंदिराची प्रतिकृती व दुसऱया बाजूला ‘श्री’ ची प्रतिमा असलेली चांदीची नाणी लिलावासाठी उपलब्ध असतील.
.jpeg)
.jpeg)
Comment List