महाराष्ट्रात उष्णतेची लाट येणार, विदर्भाला हवामान विभागाचा इशारा

राज्यात अनेक ठिकाणी उन्हाच्या झळा जाणवत असून तापमानात वाढ झाली आहे. येत्या दोन दिवसात हिंदुस्थानच्या पूर्व आणि द्वीपकल्पीय प्रदेशातील काही भागात उष्णतेची लाट येण्याचा इशारा हवामान खात्याने दिला आहे. तसेच भारतीय हवामानशास्त्र विभागाच्या (IMD) म्हणण्यानुसार 9 एप्रिलपर्यंत ईशान्य भागात जोरदार पाऊस आणि वादळाचे वातावरण तयार होण्याची शक्यता आहे. त्यामुळे काही ठिकाणी उन्हाच्या झळा जाणवणार असून काही ठिकाणी अवकाळी पावसाची शक्यता हवामान खात्याने वर्तवली आहे.

विदर्भ, तटीय आंध्र प्रदेश और यनम, रायलसीमा, गंगीय पश्चिम बंगाल, बिहार, तेलंगाना, झारखंड, उत्तरी आंतरिक कर्नाटक और ओडिशा के अलग-अलग स्थानों में 05 और 06 अप्रैल, 2024 को उष्ण लहर चलने की संभावना है।#WeatherUpdate #HeatWaveAlert @moesgoi@DDNewslive@ndmaindia@airnewsalerts pic.twitter.com/bzpCxpKX3C

— India Meteorological Department (@Indiametdept) April 5, 2024

राज्यातील काही भागांमध्ये येत्या दोन दिवसात तापमानाचा पारा प्रचंड वाढणार असल्याचा अंदाज हवामान खात्याने वर्तवला आहे.आयएमडीने रिपोर्टनुसार, 5 एप्रिल आणि 6 एप्रिल रोजी ओडिशा, पश्चिम बंगाल, झारखंड, विदर्भ, उत्तर अंतर्गत कर्नाटक, किनारी आंध्र प्रदेश, रायलसीमा आणि तेलंगणामधील वेगळ्या भागात उष्णतेची लाट येण्याची शक्यता आहे.

दरम्यान, येत्या दोन दिवसात काही भागांमध्ये अवकाळी पाऊस पडण्याची शक्यता आहे. तमिळनाडू, पुद्दुचेरी, केरळ, आसाम, मेघालय, नागालँड, मणिपूर, त्रिपुरा, अरुणाचल प्रदेश, ओडिशा आणि गंगेच्या पश्चिम बंगालच्या काही भागातही मुसळधार पावसाचा अंदाज वर्तवण्यात आला आहे.