ठाणे महापालिकेने डब्ल्यूएनएस ग्लोबल सर्व्हिसेस संघाचा आठ गडी राखून दणदणीत पराभव करत 48 व्या ठाणे वैभव आंतरकार्यालयीन वासंतिक क्रिकेट स्पर्धेत ‘ब’ गटाचे सलग दुसऱया वर्षी विजेतेपद कायम राखले. प्रतिस्पर्धी संघाला 80 धावांत गुंडाळल्यावर ठाणे महापालिकेने दोन विकेट्सच्या मोबदल्यात विजयी लक्ष्य गाठत विजेतेपदावर शिक्कामोर्तब केले. दादोजी कोंडदेव क्रीडा प्रेक्षागृहात झालेल्या निर्णायक लढतीत ठाणे महापालिकेच्या चतुरस्र माऱयासमोर डब्ल्यूएनएस ग्लोबल सर्व्हिसेसचे फलंदाज खेळपट्टीवर तग धरू शकले नाहीत. अतिश गावंडने 12 धावांत तीन, शशिकांत कदम, नंदन कामत आणि सौद मन्सुरीने प्रत्येकी दोन गडी बाद करत प्रतिस्पर्ध्यांना शतकी धावसंख्येच्या आत रोखले. अनुराग यादवने 26, केतन खरातने नाबाद 16 आणि प्रदीप शर्माने 15 धावांचे योगदान दिले.
.jpeg)
Comment List