‘अलिबाबा आणि चाळिशीतले चोर’ हा मराठी चित्रपट नुकताच थिएटरमध्ये प्रदर्शित झाला. मात्र प्रदर्शित होताच या चित्रपटाला पायरसीचा फटका बसला आहे. मराठी चित्रपटांना थिएटरमध्ये पुरेसे शोज मिळत नसल्याची तक्रार असतानाच पायरसीमुळे चित्रपटाच्या व्यवसायात मोठं नुकसान सहन करावं लागतं. याविरोधात आता महाराष्ट्र नवनिर्माण चित्रपट सेना मैदानात उतरली आहे. निर्माते संदिप देशपांडे, अभिनेते अतुल परचुरे यांच्यासोबत महाराष्ट्र नवनिर्माण चित्रपट सेनेचे अध्यक्ष अमेय खोपकर यांनी नुकतीच पत्रकार परिषद घेतली. पायरसीविरोधात सायबर सेलकडे तक्रार नोंदवल्याचं त्यांनी परिषदेत सांगितलं. त्याचसोबत मराठी चित्रपट किंवा नाटक हे थिएटरमध्येच जाऊन बघा, असं आवाहन त्यांनी प्रेक्षकांना केलंय.
“गेल्या काही वर्षांत हा विषय आम्ही थांबवला होता. पण पुन्हा एकदा मराठी चित्रपटांची पायरसी सुरू झाली आहे. ‘अलिबाबा आणि चाळिशीतले चोर’ या चित्रपटाची पायरसी झाली आहे. हा चित्रपट प्रत्येकाच्या मोबाईलवर पाठवला जात आहे. सर्व मराठी रसिक प्रेक्षकांना माझी विनंती आहे की कृपा करून मराठी चित्रपट आणि मराठी नाटक हे चित्रपटगृहातच जाऊन पहा. पायरेटेड चित्रपट मोबाईलवर येतो म्हणून तो पाहू नका. संदीप देशपांडे हे या चित्रपटाचे निर्माते आहेत. त्यांच्याच बाबतीत असं घडलंय. असं जर झालं तर ते भविष्यात पुन्हा चित्रपटनिर्मिती करतील का? काल संदीप देशपांडे यांनी मुंबई पोलीसचे विशेष आयुक्त देवेन भारती यांची भेट घेतली आणि त्यांच्याकडे याबद्दल तक्रार केली आहे,” अशी माहिती अमेय खोपकरांनी दिली.
‘अलिबाबा आणि चाळीशीतले चोर’ हा मराठी चित्रपट प्रेक्षकांच्या पसंतीस उतरतोय, पण त्याचवेळी या चित्रपटाची कॉपी लीक झाली असून या पायरसीमुळे चित्रपटाचं नुकसान होऊ शकतं. मराठी प्रेक्षकांना आवाहन आहे की त्यांनी चित्रपटगृहात जाऊनच हा चित्रपट बघावा. या पायरसीला आळा बसावा यासाठी आम्हीसुद्धा…
“मराठी चित्रपटांचा बजेट हा हिंदी चित्रपटांइतका नसतो. असं असतानाही जाणीवपूर्वक मराठी चित्रपटसृष्टी डॅमेज व्हावी म्हणून काही शक्ती काम करत आहे का? मराठी चित्रपट चालले नाही पाहिजेत म्हणून कुठलं षडयंत्र रचलं जातंय का? याचा तपास व्हावा म्हणून देवेन भारती यांना भेटून तक्रार केली. अशा कोणत्या शक्ती काम करत असतील तर त्यांना रोखण्याचं काम करावं अशी आम्ही विनंती केली. असे लोक जर आम्हाला सापडले तर त्यांना मनसे स्टाईलने उत्तर देऊ,” असा इशारा मनसे प्रवक्ते संदिप देशपांडे यांनी दिला आहे.
मराठी चित्रपटांविषयीचे दोन मुद्दे घेऊन लवकरच सरकार दरबारी जाणार असल्याची माहिती अमेय खोपकरांनी या पत्रकार परिषदेत दिली. “सेन्सॉरशिपपासूनच मराठी चित्रपटांची गळचेपी सुरू होते. सेन्सॉर सर्टिफिकेट मिळवण्यासाठी मराठी चित्रपटांना प्रचंड त्रास दिला जातो. ज्यांना मराठी कळत नाही, ज्यांना मराठी समजत नाही असे परीक्षक सेन्सॉर बोर्डात बसले आहेत. हे दोन विषय घेऊन आम्ही लवकरच सरकार दरबारी जाणार आहोत,” असं त्यांनी सांगितलं. तर “प्रेक्षकांनी थिएरटमध्ये जाऊनच चित्रपट पहावा. त्यामुळे आम्हालादेखील काम करण्यासाठी हुरूप येतो”, असं अभिनेते अतुल परचुरे म्हणाले.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List