भाजपा नेत्यांचा उघडपणे संविधान बदलण्याचा डाव; व्हिडीयो शेअर करत काँग्रेसचा दावा

अनंत कुमार हेगडे यांच्यानंतर भाजपाचा आणखी एक नेता संविधान बदलण्यासाठी उघडपणे डाव रचत असल्याचा दावा काँग्रेसने केला आहे. भाजपा नेत्या ज्योती मिर्धा यांचा एक व्हिडीयो काँग्रेसने शेअर केला आहे. देशाचे संविधान बदलण्यासाठी जाणूनबुजून रणनीती आखली जात असल्याचा आरोप काँग्रेसने केला आहे.

काँग्रेसचे ज्येष्ठ नेते शशी थरुर यांनी राजस्थानच्या नागौर येथून भाजपा उमेदवार मिर्धा यांचा व्हिडीयो एक्सवरून शेअर केला आहे. बहुमत मिळवण्यासाठी मिर्धा संविधान बदलण्याबद्दल सांगताना दिसत आहेत, असा आरोप थरुर यांनी केला आहे. संविधान बदलण्यासाठी लोकसभा आणि राज्यसभेत भाजपला बहुमत हवे असे मिर्धा सांगताना व्हिडीयोत दिसत आहेत, असे थरुर यांनी म्हटले आहे. दरम्यान, हा विचारपूर्वक रचलेला डाव आहे, असा आरोप काँग्रेसचे ज्येष्ठ नेते जयराम रमेश यांनी केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.