छत्रपती संभाजीनगरात इमारत पेटली; गुदमरून 7 ठार, ई-बाईकमुळे आग लागल्याचा संशय

छत्रपती संभाजी नगर येथे एका इमारतीला बुधवारी पहाटे भीषण आग लागली. या आगीत गुदमरून सात जणांचा मृत्यू झाल्याचे वृत्त आहे. या आगीत तीन महिला, दोन पुरुष आणि दोन लहान मुलांचा मृत्यू झाल्याची माहिती अधिकाऱ्यांनी दिली आहे. ई-बाईकमुळे झालेल्या शॉर्टसर्किटमुळे ही आग लागल्याचा संशय व्यक्त होत आहे.

पहाटे चारच्या सुमारास इमारतीतील एका टेलरिंगच्या दुकानाला आग लागल्यानं परिसरात भीतीचे वातावरण निर्माण झालं. अग्निशमन दलाच्या जवानांनी घटनास्थळी धाव घेत आग विझवण्यात यश मिळविलं, मात्र तोपर्यंत सात जणांचा आग आणि धुरामुळे मृत्यू झाला होता.

संभाजी नगरचे पोलीस आयुक्त मनोज लोहिया यांनी सांगितलं की, आग आलम टेलर्सच्या दुकानात लागली. इमारतीच्या वरच्या मजल्यावर रहिवासी राहत होते. आग त्या राहत्या जागेपर्यंत पोहोचली नसली तरी, पीडितांचा धुरामुळे गुदमरून मृत्यू झाला असावा असा संशय आहे.

मृतांची नावे

1. आसीम वशीम शेख (वय 3 वर्ष)
2. परी वशीम शेख (वय 2 वर्ष)
3. वशीम शेख अब्दुल अजीज (वय 30 वर्ष)
4. तनवीर वशीम शेख (वय 23 वर्ष)
5. हमीदा बेगम अब्दुल अजीज (वय वर्ष 50 वर्ष)
6. शेख सोहेल अब्दुल अजीज (वय 35 वर्ष)
7. रेशमा शेख सोहेल शेख (वय 22 वर्ष)