छत्तीसगडच्या बिजापुरमध्ये सुरक्षा दलाने केला चार नक्षलवाद्यांचा खात्मा, 7 जण जखमी

छत्तीसगड येथील बीजापुरमध्ये जवान आणि नक्षलवाद्यांमध्ये पुन्हा एकदा चकमक झाली आहे. या चकमकीत 4 नक्षलवाद्यांचा खात्मा करण्यात सुरक्षा दलाला यश आले असून 7 नक्षलवादी जखमी झाले आहेत.

मिळालेल्या माहितीनुसार, छत्तीसगडमध्ये सुरक्षा दलाचे पथक नक्षलीविरोधी मोहिमेवर आहे. याच मोहिमेअंतर्गत सुरक्षा दलाचे पथक बीजापूर जिल्हयातील नक्षलग्रस्त क्षेत्र गंगालूर परिसरातून जात होते. याच दरम्यान सुरक्षाजवान आणि नक्षलवाद्यांमध्ये चकमक झाली. नक्षलवाद्यांनी सुरक्षा दलावर गोळीबार केला तर सुरक्षा दलाच्या पथकानेही या गोळीबाराला चोख प्रत्योत्तर देत चार नक्षलवाद्यांचा खात्मा केला. तर सात नक्षलवादी गोळ्या लागून जखमी झाले आहेत.सोमवारी छत्तीसगड आणि तेलंगाणाच्या सीमावर्ती परिसरात नक्षलवाद्यासोबत चकमक झाली होती. त्यात एक नक्षलवादी मारला गेला होता . त्यावेळी सुरक्षा दलाने घटनास्थळावरुन काही शस्त्र जप्त केली होती.

बस्तर लोकसभा जागेसाठी पहिल्या टप्प्यात 19 एप्रिलला मतदान होणार आहे. निवडणुकीपूर्वी जिल्हा प्रशासन आणि पोलीस सतर्क आहेत. निवडणुका शांततेत पार पाडण्यासाठी सुरक्षा दलांकडून नक्षलवाद्यांविरोधात सातत्याने कारवाई करण्यात येत आहे.