हेरॉईन ड्रग्ज विकण्याच्या तयारीत असलेला पेडलर गजाआड, 54 लाखांचे 270 ग्रॅम ड्रग्ज जप्त

माहीमच्या रहेजा उड्डाणपुलावर हेरॉईन ड्रग्ज विकण्यासाठी आलेला एक 25 वर्षीय पेडलर शाहूनगर पोलिसांच्या लागला आहे. त्या पेडलरकडून 54 लाख रुपये किमतीचा हेरॉईन ड्रग्ज जप्त करण्यात पोलिसांना यश मिळाले आहे.

शाहूनगर पोलिसांचे पथक रविवारी रात्रीच्या वेळेस गस्त घालत असताना शीव-माहीम लिंक रोडवरील रहेजा उड्डाणपुलावर एक तरुण संशयास्पद हालचाल करताना पथकाच्या नजरेस पडला. पोलिसांना बघून तो मागे फिरून पळून जाण्याचा प्रयत्न करू लागला. त्यामुळे पथकाने त्याला वेळीच रोखले. त्याची अंगझडती घेतली असता त्याच्याकडे 270 ग्रॅम हेरॉईन ड्रग्ज, सरफराज अहमद नावाचे आधार व पॅनकार्ड, एक मोबाईल व पाच हजारांची रोकड असा मुद्देमाल मिळून आला. त्याने हा हेरॉईनचा साठा कोठून आणला होता तसेच ते तो कोणाला विकणार होता याचा शाहूनगर पोलीस शोध घेत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.