इलेक्ट्रोल बॉण्डच्या नावावर काँग्रेसची खाती गोठवली जात असून लोकशाहीसाठी हे घातक आहे. भाजप 400 पारचा दावा करत आहे, पण हा पक्ष आगामी लोकसभा निवडणुकीत 250 जागाही जिंकणार नाही, अशा शब्दांत काँग्रेस नेते अशोक गेहलोत यांनी भाजपवर हल्ला चढवला. जयपूर येथील सभेत ते बोलत होते.
देशभरातील विरोधी पक्षाच्या नेत्यांना तुरुंगात टाकण्याचे काम भाजप करत आहे. माजी मुख्यमंत्री आणि माजी मंत्र्यांना ईडी, सीबीआयची भीती दाखवून तुरुंगात डांबले जात आहे. ही लोकशाहीसाठी चांगली बाब नाही, असे ते म्हणाले. दरम्यान, डुंगरपूर बांसवाडा जागेसाठी लवकरच उमेदवाराची घोषणा करू, असेही ते म्हणाले. 6 एप्रिल रोजी पक्षाचा जाहीरनामा प्रकाशित करण्यात येईल. यात तरुणांसाठी रोजगार, शेतकरी, महिलांसाठी विविध योजना अशा पाच गॅरंटी या जाहीरनाम्याच्या माध्यमातून देण्यात येतील, असेही गेहलोत म्हणाले.
.jpeg)
Comment List