‘आयपीएलच्या 17 व्या हंगामाचा थरार सुरू असतानाच ‘बीसीसीआय’ने अचानक आयपीएल संघमालकांची बैठक बोलावली आहे. ही बैठक अहमदाबादमध्ये 16 एप्रिलला होणार आहे. या बैठकीत अनेक धोरणात्मक निर्णयांबाबत चर्चा होणार असून यात प्रामुख्याने आयपीएलचं भविष्य आणि खेळाडूंच्या रिटेंशन, लिलाव व सॅलरी कॅप अशा अनेक गोष्टींबद्दल चर्चा होण्याची शक्यता आहे.
‘बीसीसीआय’ने प्रत्येक फ्रेंचायझी मालकांना बैठकीचं निमंत्रण पाठवलं आहे. प्रत्येक संघमालकांना हे आमंत्रण पोहचलंदेखील आहे. हे सर्व संघमालक आपल्या सीईओ आणि कार्यकारी स्टाफसह बैठकीला हजर राहतील अशी अपेक्षा आहे. याचबरोबर फक्त संघमालकांसोबतदेखील बीसीसीआयची एक वेगळी बैठक होणार आहे. या बैठकीला ‘बीसीसीआय’चे अध्यक्ष रॉजर बिन्नी, सचिव जय शहा आणि आयपीएल चेअरमन अरुणसिंह धुमल हे बीसीसीआयचे अधिकारीदेखील उपस्थित असणार आहेत. या बैठकीचा अधिकृत अजेंडा अद्यापि जाहीर झालेला नाही. आयपीएल सीईओ हेमंग अमिन यांनी या बैठकीचे आमंत्रण दिले आहे.
.jpeg)
Comment List