पाँडिचेरीत रामायणावर आधारित नाटकात विकृत सादरीकरण केल्याने खळबळ

पाँडिचेरी विद्यापीठाच्या वार्षिक महोत्सवात रामायणावर आधारित नाटकाचं विकृतरित्या सादरीकरण केल्याने एकच खळबळ माजली आहे. या नाटकात रामायणाच्या पात्रांना विकृत पद्धतीने दर्शवल्याचा आरोप होत आहे.

पाँडिचेरी विद्यापीठात एझिनी नावाच्या सांस्कृतिक उत्सवात हे नाटक सादर झालं होतं. त्याचं नाव सोमायनम असं होतं. सीतेला रावण गोमांस भेट म्हणून देत असल्याचं यात दाखवण्यात आलं तसंच, हनुमानाच्या व्यक्तिरेखेचं चित्रणही अवमानास्पद करण्यात आलं. सीता अपहरणाचा प्रसंग, तसंच अग्निपरीक्षेचा प्रसंग यांचंही विकृत पद्धतीने चित्रण करण्यात आलं, असा आरोप काही हिंदु संघटनांनी केला आहे.

त्यामुळे नाटकात सहभागी असलेले अभिनेते आणि लेखक-दिग्दर्शकांना ताबडतोब निलंबित करण्यात यावं. तसंच, कला विभागाचे प्रमुख आणि संबंधितांवर कठोर कारवाई करण्यात यावी अशी मागणी हिंदू संघटनांनी केली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.