हिंदुस्थानी नौदलाने 23 पाकिस्तानींना वाचवले

हिंदुस्थानी नौदलाने अरबी समुद्रात मोठी कारवाई करत इराणच्या जहाजाला समुद्री चाच्यांच्या तावडीतून यशस्वीरीत्या सोडविले आहे. हिंदुस्थानी नौदलाने शुक्रवारी उशिरा याबाबत माहिती दिली. महत्त्वाचे म्हणजे या जहाजावर 23 पाकिस्तानी नागरिक होते. या नागरिकांच्या सुटकेसाठी हिंदुस्थानी नौदलाने 12 तासांचे ऑपरेशन राबवले. गुरुवारी संध्याकाळी समुद्री चाच्यांनी इराणच्या मासेमारी करणाऱया अल पंबार 786 या जहाजाचे अपहरण केल्याची माहिती मिळाली होती. शुक्रवारी सकाळी आयएनएस सुमेधने अल पंबार 786 जहाजाला सोकोत्राच्या दक्षिण-पश्चिमेस सुमारे 90 नॉटीकल माईलवर रोखले. काही वेळातच आयएनएस त्रिशूलदेखील या ठिकाणी दाखल झाले. अखेर 12 तासांचे ऑपरेशन राबवल्यानंतर समुद्री चाच्यांनी हिंदुस्थानी नौदलाकडे आत्मसमर्पण केले. तसेच या बोटीवरील 23 पाकिस्तानी नागरिकांची सुटका करण्यात आली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.