टायर कारखान्यात भीषण स्फोट, दोन कामगारांचा मृत्यू; पाच जण जखमी

वेल्डिंगचे काम सुरू असताना बॉयलरचा स्फोट झाल्याने टायर कारखान्यात भीषण आग लागली. या आघीत दोन कामगारांचा होरपळून मृत्यू झाला तर पाच जण जखमी झाले आहेत. जखमींना उपचारासाठी जवळच्या रुग्णालयात दाखल करण्यात आले आहे. आगीमुळे परिसरात दूरवर धुराचे लोळ पसरले होते.

उत्तर प्रदेशातील सहारनपूर जिल्ह्यातील शेखपुरा औद्योगिक क्षेत्रात रविवारी संध्याकाळी हा स्फोट झाला. घटनेच्या वेळी कारखान्यात सात कामगार काम करत होते. गंभीर भाजल्यामुळे दोन कामगारांचा जागीच मृत्यू झाला, तर इतर पाच जणांना पोलीस आणि अग्निशमन दलाच्या मदतीने सुरक्षितपणे बाहेर काढण्यात आले.

सूत्रांनी दिलेल्या माहितीनुसार, ज्या कारखान्यात अपघात झाला त्या कारखान्याचे उद्घाटन 19 ऑक्टोबर रोजीच झाले होते. घटनेची माहिती मिळताच अग्निशमन दलाच्या अनेक गाड्या घटनास्थळी दाखल झाल्या. अथक प्रयत्नांनंतर आग आटोक्यात आणण्यात आली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.