अहिल्यानगरमध्ये घरात घुसून विवाहितेवर बलात्कार; आरोपीला अटक

घरात घुसून 30 वर्षीय तरुणीवर बलात्कार केल्याची संतापजनक घटना राहुरी तालुक्यात उघडकीस आली आहे. आरोपीने अत्याचार केल्यानंतर कुठेही घडल्या प्रकाराची वाच्छता केल्यास महिलेला जीवे मारण्याची धमकी दिली. राहुरी पोलिसांनी तात्काळ कारवाई करत आरोपीस अटक केली आहे.

पोलिसांनी दिलेल्या माहितीनुसार, पीडितेचे पती रात्रपाळीला गेल्यामुळे ती घरात एकटीच होती. या संधीचा फायदा घेत आरोपीने रात्री उशिरा तिच्या घराचे दार ठोठावून जबरदस्तीने आत प्रवेश केला. त्यानंतर आरोपीने पीडितेवर अत्याचार केला आणि घटना कुणालाही सांगितल्यास जीवघेणी धमकी दिली.

सकाळी पीडित महिलेने आपल्या नातेवाईकांच्या मदतीने राहुरी पोलीस ठाण्यात तक्रार दाखल केली. या प्रकरणी राहुरी पोलीस ठाण्यात गुन्हा नोंदवण्यात आला आहे. पोलीस निरीक्षक संजय ठेंगे यांच्या मार्गदर्शनाखाली उपनिरीक्षक राजू जाधव आणि पथकाने तत्पर कारवाई करत आरोपीला अटक केली. पुढील तपास उपनिरीक्षक राजू जाधव करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.