Mumbai fire – कफ परेड भागातील चाळीत अग्नितांडव; 15 वर्षीय मुलाचा होरपळून मृत्यू, तिघे गंभीर जखमी

मुंबईतील कफ परेड भागात असणाऱ्या मच्छिमार नगर परिसरात सोमवारी पहाटेच्या सुमारास चाळीला आग लागली. या आगीत होरपळून एका 15 वर्षीय मुलाचा मृत्यू झाला, तर तीन जण गंभीर जखमी झाले आहेत.

मिळआलेल्या माहितीनुसार, मच्छिमार नगर येथील चाळीच्या पहिल्या मजल्यावर पहाटे चारच्या सुमारास आग लागली. आगीची माहिती मिळताच अग्निशमन दलाने घटनास्थळी धाव घेतली. जवानांनी बचावकार्य सुरू करत चार जणांच्या आगीच्या विखळ्यातून बाहेर काढले.

जखमींना सेंट जॉर्ज रुग्णालयात दाखल करण्यात आले. मात्र, उपचारांपूर्वीच डॉक्टरांनी 15 वर्षीय यश खोत याला मृत घोषित केले. तर देवेंद्र चौधरी (वय – 30) यांची प्रकृती चिंताजनक आहे. विराज खोत आणि संग्राम कुर्णे यांची प्रकृती स्थिर असून त्यांच्यावर उपचार सुरू आहे. आगीचे कारण अद्याप स्पष्ट झालेले नाही. पोलीस पुढील तपास करत आहेत.

News Alert ! One killed, three injured as fire breaks out at chawl in Mumbai’s Cuffe Parade area: Officials. pic.twitter.com/hb7mbvYKSL

— Press Trust of India (@PTI_News) October 20, 2025

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.