एसटी कर्मचाऱ्यांना 6 हजार रुपये दिवाळी भेट; कामगार संघटनेच्या आक्रमक भूमिकेनंतर सरकारचा निर्णय

प्रलंबित आर्थिक मागण्यांच्या प्रश्नावर राज्यभरातील एसटी कामगारांच्या विविध संघटनांनी सोमवारी धरणे आंदोलन सुरु केले. त्या आंदोलनाला राज्यभरातून मोठा प्रतिसाद मिळाल्याचे लक्षात येताच महायुती सरकार हादरले आणि एसटी कर्मचाऱ्यांना दिवाळी भेट म्हणून 6 हजार रुपये तसेच वेतनवाढीचा फरक देणार असल्याची घोषणा केली. कामगार संघटनांच्या प्रतिनिधींसोबत झालेल्या बैठकीदरम्यान हा निर्णय घेण्यात आला. त्यामुळे आर्थिक विवंचनेत असलेले एसटी कामगारांना दिवाळीत दिलासा मिळाला आहे.

एसटीच्या सुमारे 85 हजार कर्मचारी व अधिकाऱ्यांना दिवाळी भेट म्हणून 6 हजार रुपये सानुग्रह अनुदान देण्याचा तसेच वेतन वाढीचा फरक वेतनासोबत देण्यासाठी महामंडळाला दरमहा 65 कोटी रुपये देण्याचा आणि पात्र कर्मचाऱ्यांना दिवाळी अग्रीम म्हणून 12 हजार 500 रुपये देण्याचा निर्णय एसटी कर्मचारी संघटना आणि कृती समितीच्या बैठकीत सरकारने जाहिर केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.