USA Firing – अमेरिकेत फुटबॉल सामन्यानंतर अंधाधुंद गोळीबार, चौघांचा मृत्यू; 12 जखमी

अमेरिकेतील मिसिसिपी राज्यात फुटबॉल सामन्यानंतर शाळेजवळ अंधाधुंद गोळीबाराची घटना घडली आहे. या गोळीबारात चार जणांचा मृत्यू झाला असून 12 जण जखमी झाले आहेत. जखमींपैकी चार जणांना एअरलिफ्ट करून स्थानिक रुग्णालयात नेण्यात आले आहे. या घटनेचा तपास सुरू आहे आणि घटनेचे कारण शोधले जात आहे, असे महापौर जॉन ली यांनी सांगितले.

वॉशिंग्टन काउंटीमधील मिसिसिपीतील लेलँड या छोट्या शहरात शुक्रवारी मध्यरात्रीच्या सुमारास ही गोळीबाराची घटना घडली. गर्दीच्या वेळी लेलँडच्या मुख्य रस्त्यावर गोळीबार झाला. याप्रकरणी अद्याप कोणालाही अटक करण्यात आलेली नाही. पोलीस सखोल तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.