ज्येष्ठ पत्रकार दत्तात्रय उर्फ नाना पिसाट यांचे निधन

ग्रामीण भागातील समस्यांना वाचा फोडणारे टिटवाळा येथील ज्येष्ठ पत्रकार दत्तात्रय ऊर्फ नाना पिसाट यांचे वृद्धापकाळाने निधन झाले. ते 87 वर्षांचे होते. त्यांच्या निधनाने जनसामान्यांच्या समस्यांची जाण असणारा अभ्यासू पत्रकार हरपला आहे.

नाना पिसाट हे निष्ठावान शिवसैनिक होते. कल्याण-डोंबिवली महापालिकेच्या शिक्षण समितीवरही त्यांनी काही काळ काम केले. दैनिक ‘सामना’चे वार्ताहर म्हणूनदेखील त्यांनी टिटवाळा व परिसरातील अनेक प्रश्न मांडले होते. पिसाट यांच्या पश्चात पत्नी, दोन मुली, एक मुलगा असा परिवार आहे. विविध क्षेत्रांतील मान्यवरांच्या उपस्थितीत त्यांच्यावर अंत्यसंस्कार करण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.