अलख पांडेंनी श्रीमंतीत शाहरुख खानला मागे टाकले

एडटेक फर्म फिजिक्सवालाचे सह-संस्थापक अलख पांडे यांनी बॉलीवूडचा किंग शाहरुख खानला मागे टाकले आहे. हुरून इंडिया रिचने नुकतीच श्रीमंत व्यक्तीची संपत्ती जाहीर केली असून यात अलख पांडे यांची संपत्ती शाहरुखच्या संपत्तीपेक्षा जास्त आहे. अलख पांडे यांची एकूण संपत्ती 14 हजार 510 कोटी रुपये इतकी आहे. तर शाहरुख खान यांची संपत्ती 12 हजार 490 कोटी रुपये इतकी आहे. गेल्या काही वर्षात अलख पांडे यांची कंपनी फिजिक्सवाला तोटय़ात असूनही संपत्ती मात्र वाढली आहे. 2025 या आर्थिक वर्षात फिजिक्सवालाला 243 कोटी रुपयांचा निव्वळ तोटा झाला आहे. फिजिक्सवाला ही कंपनी जेईई, नीट, गेट आणि यूपीएससी यासारख्या स्पर्धा परीक्षासाठी तयारी करणाऱया कोर्सेसचे प्रशिक्षण देते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.