मंत्रालयाच्या प्रवेशद्वारावर वृद्धाचा आत्मदहनाचा प्रयत्न; नवी मुंबई महानगरपालिका, पोलिसांविरोधात निदर्शन

मुंबईत मंत्रालयाच्या प्रवेशद्वारावर एका वृद्धाने आत्मदहनाचा प्रयत्न केल्याची बातमी समोर येत आहे. यावेळी नवी मुंबई महानगरपालिका आणि पोलिसांविरोधात वृद्धाकडून जोरदार निदर्शन करण्यात आलं. पालिका आणि पोलीस मदत न करत असल्याचा आरोप करत वृद्धाने आत्मदहनाचा प्रयत्न केला.

मिळालेल्या माहितीनुसार, नवी मुंबई महानगरपालिका आणि पोलिसांविरोधात घोषणा देत वृद्धाने स्वतःच्या अंगावर रॉकेल टाकत आत्मदहनाचा प्रयत्न केला. यावेळी पोलिसांनी त्यांना अडवलं आणि ताब्यात घेतलं. मात्र त्यांनी आत्मदहनाचा प्रयत्न का केला, नेमकं काय आहे प्रकरण, याबाबत अद्याप माहिती मिळू शकलेली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.