आष्टीत एनडीआरएफचे रेस्क्यू ऑपरेशन, अडकलेल्या 12 जणांना सुखरूप बाहेर काढले

मुसळधार पावसाने आष्टी्च्या सांगवीमध्ये पूर परिस्थिती निर्माण झाली. या पुराच्या पाण्यात 12 ग्रामस्थ अडकले. तातडीने एनडीआरएफचे टिम घटनास्थळी दाखल झाली. टिमच्या मदतीने 12 नागरिकांना सुखरूप बाहेर काढण्यात यश मिळाले.

रविवारी पहाटे मुसळधार पावसाने आष्टी तालुक्यामध्ये हाहाकार उडवून दिला. आष्टी तालुक्यातील सांगवीमध्ये पूरपरिस्थिती निर्माण झाली. पुराच्या पाण्यामध्ये 12 नागरिक अडकले. घटनेची माहिती मिळताच तहसीलदार वैशाली पाटील, देविदास धस, सरपंच संदीप खेडकर, शाम धस, सागर धस, विजय खेडकर यांनी घटनास्थळी धाव घेतली. एनडीआरएफची टिम मदतीसाठी मागवण्यात आली. दिवसभर मदतकार्य सुरू होतं. सायंकाळी मंगल शहादेव पावसे, कल्पना विष्णू पावसे, राजूबाई भागवत महानोर, सिता भाऊसाहेब महानोर, भाऊसाहेब विठोबा महानोर, भागवत विठोबा महानोर, अशोक भागवत महानोर, शहादेव भानुदास पावसे, विष्णू शहादेव पावसे, कृष्णा विष्णू पावसे, स्वप्नील विष्णू पावसे, प्रविण विष्णू पावसे या 12 जणांना एनडीआरएफच्या जवानांनी सुखरूप बाहेर काढले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.