मयंक अगरवालच्या शतकामुळे यॉर्कशायर आघाडीच्या दिशेने

हिंदुस्थानचा अनुभवी फलंदाज मयंक अगरवालने (175) हेडिंग्ले येथे डरहमविरुद्ध यॉर्कशायरसाठी ठोकलेल्या जोरदार शतकाच्या जोरावर संघाने पहिल्या डावात आघाडी मिळवण्याच्या दिशेने मार्गक्रमण सुरू केले आहे. या काऊंटी हंगामातील यॉर्कशायरचा हा अखेरचा सामना असून रेलिगेशन टाळण्यासाठी त्यांना विजय आवश्यक आहे.

लीड्सच्या मैदानावर सुरू असलेल्या या सामन्याच्या पहिल्या दिवसाचा हीरो अगरवाल ठरला. यापूर्वीच्या तीन डावांत दोन वेळा शून्यावर बाद झालेल्या अगरवालने या वेळ आक्रमक फलंदाजी केली. त्याने 195 चेंडूंत 20 चौकार आणि 5 षटकारांसह 175 धावा चोपल्या. सलामीवीर ऍडम लिथ (69) याच्यासह त्याने दुसऱ्या विकेटसाठी 127 धावांची महत्त्वाची भागीदारी केली. पहिल्या डावात डरहमकडून बेन रेनने 101 धावा केल्या. यॉर्कशायरसाठी जॅक व्हाइटने 69 धावांत 5 विकेट घेतले. लिथने 102 चेंडूंत अर्धशतक झळकावले, तर अगरवालने गफारीला सरळ षटकार मारत 84 चेंडूत अर्धशतक पूर्ण केले. त्यानंतर त्याने फटकेबाजी करत फक्त 38 चेंडूंत पुढील पन्नास धावा पूर्ण केल्या.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.