मुंबई विद्यापीठाच्या खेळाडूंना निवास सुविधा मिळणार

मुंबई विद्यापीठाच्या खेळाडूंना निवासाची दर्जेदार सुविधा मिळाव्यात म्हणून मुंबई विद्यापीठ युवासेना सिनेट सदस्य प्रदीप सावंत, शीतल शेठ, शशिकांत झोरे तसेच माजी सिनेट सदस्य राजन कोळंबेकर यांनी मुंबई क्रिकेट संघटनेचे अध्यक्ष अजिंक्य नाईक यांची भेट घेतली आणि नाईक यांनीही त्यांच्या मागणीला सकारात्मक प्रतिसाद दिला.

मुंबई विद्यापीठाचा खेळ विभाग राष्ट्रीय स्तरावर सुमारे 37 क्रीडा प्रकारांत आपला सहभाग नोंदवतो. अनेक सांघिक खेळांचे सराव शिबीर वानखेडे स्टेडियमलगत असलेल्या स्पोर्ट्स पॅव्हेलियन मैदानावर होतात. या संघांमध्ये मुंबईसह ठाणे, कल्याण, पालघर, रायगड, रत्नागिरी आणि सिंधुदुर्ग जिह्यांतील खेळाडूंचा समावेश असतो. खेळाडूंना दर्जेदार निवास सुविधा मिळाव्यात, अशी मागणी या प्रतिनिधींनी अध्यक्ष नाईक यांच्याकडे केली. याला एमसीएकडून सकारात्मक प्रतिसाद देण्यात आला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.