Mumbai News – कोस्टल रोडवर कारला भीषण आग, घटनेनंतर एक तास वाहतूक बंद

मुंबईच्या कोस्टल रोडवर गुरुवारी एका कारला भीषण आग लागल्याची घटना घडली. यामुळे कोस्टल रोडवरील वाहतूक एक तास बंद ठेवण्यात आली होती. गुरुवारी सकाळी 9.30 वाजता ही घटना घडली. आगीची माहिती मिळताच अग्नीशमन दलाने तात्काळ घटनास्थळी दाखल होत आगीवर नियंत्रण मिळवले.

ताडदेवजवळील कोस्टल रोडच्या दक्षिणेकडील बोगद्यात कारला आग लागल्याने दक्षिणेकडील आणि उत्तरेकडील दोन्ही लेन तात्पुरते बंद करण्यात आल्या होत्या. आगीच्या घटनेनंतर, कोस्टल रोडवर वाहनांच्या लांब रांगा लागल्या होत्या. वाहनांची गर्दी कमी करण्यासाठी हाजी अली आणि वरळी कनेक्टरवर वाहतूक वळवण्यात आली होती. सुदैवाने यात कोणतीही जीवितहानी झाली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.