राज्यसभेच्या पाच जागांसाठी 24 ऑक्टोबरला मतदान

जम्मू-कश्मीरमधील चार आणि पंजाब राज्यातील एका राज्यसभेच्या जागेसाठी निवडणूक आयोगाने बुधवारी घोषणा केली. या दोन राज्यांतील एकूण पाच जागांसाठी हे मतदान पुढील महिन्यात 24 ऑक्टोबरला होणार आहे. निवडणुकीची अधिसूचना 6 ऑक्टोबरला जारी केली जाईल, असे निवडणूक आयोगाने म्हटलेय.

6 ऑक्टोबरपासून उमेदवारी अर्ज भरण्यास सुरुवात होईल. 13 ऑक्टोबरपर्यंत उमेदवार अर्ज दाखल करू शकतील. उमेदवारी अर्ज माघारी घेण्याची शेवटची तारीख 16 ऑक्टोबर आहे. 24 ऑक्टोबरला सकाळी 9 ते सायंकाळी 4 वाजेपर्यंत मतदान प्रक्रिया पार पडेल. मतमोजणी त्याच दिवशी सायंकाळी 5 वाजेपासून सुरू होईल. मतमोजणीनंतर निकाल जाहीर केला जाईल, असे निवडणूक आयोगाने म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.