उच्च न्यायालय बॉम्ब धमकी प्रकरण – अज्ञात व्यक्तीविरोधात गुन्हा दाखल

मुंबई उच्च न्यायालय बॉम्बने उडवून देण्याची धमकीचा मेल करून घबराटीचे वातावरण निर्माण केल्याप्रकरणी आझाद मैदान पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. पोलीस तो धमकीचा मेल करणाऱयाचा शोध घेत आहेत. अनंत चतुर्दशीच्या आदल्या दिवशी मुंबईत 34 ठिकाणी 34 मानवी बॉम्ब पेरून 400 किलो आरडीएक्सच्या सहाय्याने स्पह्ट घडवून आणण्यात येणार असल्याची धमकी वाहतूक पोलिसांच्या अधिकृत व्हॉट्सअ‍ॅपवर संदेश पाठवून देण्यात आली होती. परंतु गुन्हे शाखेने झटपट तपास करत हा धमकीचा संदेश पाठविणाऱया तरुणाला 24 तासांच्या आत पकडले होते. त्यानंतर शुक्रवारी मुंबई उच्च न्यायालयात बॉम्बस्फोट होणार असल्याचा धमकीचा ई-मेल पाठविण्यात आला होत. या ई-मेलनंतर खळबळ उडाली होती. परंतु पोलिसांनी न्यायालयाची संपूर्ण इमारत तपासल्यानंतर धमकीचा खोटा ई-मेल असल्याचे निष्पन्न झाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.