उत्तर प्रदेशातील संदीप कुमारला अबुधाबीत 35 कोटींची लॉटरी

उत्तर प्रदेशातील संदीप कुमारचे अबुधाबीत नशीब पालटले. एका रात्रीत संदीप कुमार कोटय़धीश झाला. त्याला 35 कोटींची लॉटरी लागली. संदीप कुमार मागील तीन वर्षांपासून यूएईमध्ये काम करत आहे. तो दुबई ड्राईडॉक्समध्ये टेक्निशिअनची नोकरी करतो. गेल्या काही दिवसांपासून संदीपने लॉटरी काढायला सुरुवात केली होती. त्याने अबुधाबी बिग तिकीट सीरिजमध्ये लॉटरी जिंकली. इतर 20 जणांसोबत ग्रुपमध्ये त्याने लॉटरी तिकीट काढले होते. 3 सप्टेंबर रोजी लॉटरी फुटली आणि त्याच्या नशिबाचा दरवाजा उघडला. दररोज मशीनवर काम करणारा 30 वर्षीय संदीप एकाएकी मालामाल झाला. आता हिंदुस्थानात परतण्याचा त्याचा विचार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.