तमाम शिवसैनिकांच्या लाडक्या माँसाहेब सौ. मीनाताई ठाकरे यांचा स्मृतिदिन शनिवार, 6 सप्टेंबर रोजी आहे. त्यानिमित्त शिवतीर्थावर माँसाहेबांना आदरांजली वाहण्यात येणार असून सकाळी 7 वाजल्यापासून भक्तिगीत, सुगम संगीत, भजन, कीर्तन अशा कार्यक्रमांचे आयोजन करण्यात आले आहे.
शिवतीर्थ येथे श्री सिद्धिविनायक सुगम संगीत चमूचे गुणी कलाकार रविराज नर, राजा कदम, सुदेश पवार, हर्षदा वेल्हाळ, स्मिता तायशेटे, सचिन नवले, सचिन मोहिते हे भक्तिगीतांचा कार्यक्रम सादर करणार आहेत, अशी माहिती स्व. सौ. मीनाताई ठाकरे स्मृती स्मारक समिती मुंबईच्या वतीने देण्यात आली.
रमाधाममध्ये भजन आणि कीर्तन
खोपोली येथील रमाधाममध्ये माँसाहेबांच्या स्मृतिदिनानिमित्त भजन आणि कीर्तनाचे आयोजन करण्यात आले आहे, अशी माहिती रमाधामचे अध्यक्ष चंदूमामा वैद्य यांनी दिली.
Comment List