गणेशोत्सव काळात मुख्यालय न सोडण्याचे आदेश धुडकावले; दांडीबहाद्दर 843 कर्मचाऱ्यांचा एक दिवसाचा पगार कापला

गणेशोत्सव काळात मुख्यालय न सोडण्याचे आदेश पायदळी तुडवणाऱ्या दांडीबहाद्दर कर्मचाऱ्यांचा एक दिवसाचा पगार कापण्यात आला आहे. यात स्थायी ६५० अधिकारी, कर्मचारी आणि अस्थायी १९३ कर्मचाऱ्यांचा समावेश आहे. मीरा-भाईंदर पालिका आयुक्त राधाबिनोद शर्मा यांनी कारवाईचा बडगा उगारल्याने अधिकाऱ्यांसह कर्मचाऱ्यांचे धाबे दणाणले आहेत.

मीरा-भाईंदर महापालिकेत गणेशोत्सव काळात पूर्वपरवानगीशिवाय मुख्यालय न सोडण्याचे आदेश पालिका आयुक्त राधाबिनोद शर्मा यांनी दिले होते. असे असतानाही २९ ऑगस्ट रोजी पालिकेच्या विविध विभागामधील अनेक अधिकारी आणि कर्मचारी विनापरवानगी गैरहजर राहिल्याचे निदर्शनास आले. आयुक्तांच्या आदेशाला केराची टोपली दाखवून दांडी मारणाऱ्या स्थायी ६५० अधिकारी, कर्मचारी व अस्थायी १९३ कर्मचारी असे एकूण ८४३ कर्मचाऱ्यांचा एक दिवसाचा पगार कापण्यात आला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.