जागेचा वाद विकोपाला गेला, धावत्या मेट्रोत दोन महिला भिडल्या; हाणामारीचा व्हिडिओ व्हायरल

जागेच्या वादातून मेट्रोमध्ये दोन महिलांमध्ये तुफान हाणामारी झाल्याची घटना समोर आली आहे. धावत्या मेट्रोतच दोघी महिलांनी एकमेकींचे केस ओढत एकमेकींना मारहाण केली. मेट्रोत प्रवास करणाऱ्या प्रवाशांनी घटनेचा व्हिडिओ मोबाईल कॅमेऱ्यात कैद केला आहे. हा व्हिडिओ सोशल मीडियावर व्हायरल झाला आहे.

दिल्लीतील मेट्रोमध्ये सदर हाणामारीची घटना घडली आहे. बसायला पुरेशी जागा असतानाही दोन महिला जागेवरून एकमेकींशी वाद घालू लागल्या. पाहता पाहता वादाचे हाणामारीत रुपांतर झाले. दोघींनी एकमेकींचे केस ओढले, चापट मारली. यानंतर एका महिलेने दुसरीला सीटवर ढकलले. अन्य एका महिलेने मध्यस्थी करत भांडण सोडवण्याचा प्रयत्न केला. मात्र तिला यश आले नाही. एका प्रवाशाने हा व्हिडिओ सोशल मीडियावर व्हायरल केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.